ശലഭങ്ങള്‍
കെ .വി .സക്കീര്‍ ഹുസൈന്‍
ചിത്രശലഭം എന്ന
ഒരു വാക്ക് എന്‍റെ ചെവിയില്‍ നീ
തൂവിയെതെയുള്ളൂ
മനസ്സില്‍ നിന്നും
ചിറകിട്ടടിക്കാന്‍ തുടങ്ങി
ഒരു കൂട്ടം ആനന്ദങ്ങള്‍ !
മുന്‍പ് ആരില്‍ നിന്നോ
കേള്‍വിയാല്‍ മാത്രം അറിഞ്ഞിരുന്ന
മനസ്സു
പൊതിഞ്ഞു വെച്ചിരുന്നു
പല നിറങ്ങളില്‍
ശലഭങ്ങളെ .
കുഞ്ഞു ചിറകു മായുള്ള
അതിന്‍റെ ആഗമനം
പരിസരത്തെ
കാട്ടു പൂവിന്‍റെ ഗന്ധം
വമിപ്പിക്കുമായിരുന്നു
എങ്കിലും ദയനീയമാണ്
കാഴ്ചകള്‍
തറയില്‍ ഉറുമ്പുകളുടെ കടിയേറ്റ
ഒരു ചിത്ര ശലഭം
പകുതി നഷ്ടം വന്ന ചിറകുമായ്
ഹതാശയായ്‌ ഇഴയുന്ന അവസ്ഥാന്തരങ്ങള്‍ .
o
No comments:
Post a Comment